Actividades 2008-2009

Chegaron as vacacións de verán!! E agora toca facer balance das actividades que fixemos ao longo deste ano. Que non son poucas!
a) Tres representacións teatrais
b) Colaboracións con diversas entidades (Centro Galego de Barcelona, AIET, La Xina A.R.T., Defensem la llengua gallega, Espai Jove Boca Nord, Amics de les Arts de Terrassa)
c) Organización de ciclos e xornadas teatrais nas que actuaron importantes artistas como Quico Cadaval ou Mofa & Befa.

Mirade os carteis das nosas actuacións:

O castelo da lingua galega

Permormance que Furafollas Agrupación Teatral fixo o 17 de maio de 2009 polas Rambles de Barcelona.

As galegoescolas

Performance de Furafollas Agrupación Teatral na concentración organizada, por Defensem la llengua gallega, o 17 de maio de 2009 nas Rambles de Barcelona. Ironizábase sobre os posibles cambios que poderían sufrir as “galegoescolas”, hoxe xa desaparecidas na oferta educativa galega.

Paremos o decretazo do PP contra o galego

Presentación en Barcelona do libro 55 mentiras sobre a lingua galega o vindeiro venres 5 de febreiro ás 20:30 no Centro Galego de Barcelona, co apoio de entidades galego-catalanas.

A plataforma Prolingua, en colaboración coa plataforma Defensem la llengua gallega, organiza en Barcelona un acto co que pretende demostrar o seu rexeitamento á implantación dun novo decreto que regula o emprego do galego no ensino público de Galiza, impulsado polo actual goberno do PP na Xunta de Galicia. Rexeitamento que é compartido por máis de 50.000 persoas que secundaron a folga xeral do pasado 21 de xaneiro de 2010 en Compostela.

As bases deste novo decreto establecen que as materias do ensino público obrigatorio sexan impartidas en galego, castelán e lingua estranxeira nunha porcentaxe dun 33% cada unha. Ademais establece que sexan os pais ou titores (e non os poderes públicos como establece a Constitución) os que cada 4 anos decidan cales serán as materias que se impartirán en galego, castelán e lingua estranxeira.

Neste acto preténdese mostrar e debater os diversos aspectos conflitivos deste novo decreto que responden a compromisos electorais de imposible cumprimento no marco legal vixente, contribuíndo a perpetuar a situación de desigualdade na que se encontra a lingua propia de Galiza, máis que a un intento de mellorar o proceso de aprendizaxe con fundamentos pedagóxicos, como demostra o informe exhaustivo e crítico realizado pola Real Academia Galega.

O acto de presentación do libro 55 mentiras sobre a lingua galega. Análise dos prexuízos que difunden os inimigos do idioma (Editorial Laiovento) terá lugar no Centro Galego de Barcelona o venres 5 de febreiro ás 20:30, interveñen Pere Comellas (especialista en plurilingüismo e profesor da UB), Sabela Labraña (especialista en sociolingüística e profesora da UB), Xiana Díaz (representante de Defensem la llengua gallega) e Paulo Filgueiras (especialista en normalización lingüística e profesor da UAB).

O libro será presentado ao mesmo tempo nas principais cidades e vilas galegas, en diversas cidades do Estado español e nun importante número de cidades do mundo como Lisboa, Londres, París, Nova York, Bruxelas, Tel Aviv, Cork, Bos Aires ou Copenhagen.

A plataforma Defensem la llengua gallega está composta por diversas entidades galegas e catalanas que se poden consultar aquí.

Máis información:
http://defensemlallenguagallega.blogspot.com
http://prolinguagalega.org/
http://www.realacademiagalega.org/

Continuamos revolucionando a cidade

Apuntade xa na vosa axenda a vindeira actuación de Furafollas Agrupación Teatral:

21 de novembro ás 18:30h na Tecla Sala de Hospitalet

Primeiro, Lito Caramés presentará o seu libro de contos E agora pasa un tren… , coa participación de Carmela González, Helena González e Anxo Baranga. E a continuación, Furafollas representará por última vez Revolução.

E agora pasa un tren

Revolução Returns!

Achégase o momento da nosa “Revolução”

Unha obra que non te deixará indiferente, na que falaremos das distintas revolucións que foron determinantes na evolución da Historia, pero vistas dende o particular prisma de Furafollas Agrupación Teatral.

Queredes un anticipo? Mirade o noso trailer…

Lugar: Espai Jove Boca Nord (Agudells, 37-45, Barcelona)

Día: 23 de outubro

Hora: 21:30h

Esperámosvos!!

Marató de contes de Hospitalet

http://www.l-h.cat/utils/obreFitxer.aspx?Fw9EVw48XS7Lb8sfpBrLHoTUOdOFJiBNNt3CJ6VGqazAj7o7lJxITzBagqazBqazB

Do 20 ao 23 de outubro desenvolverase unha nova edición da “Marató de contes” nas bibliotecas de Hospitalet  (Barcelona).
Este ano o tema sobre o que deberán elaborarse os contos é o xénero musical do Blues.

Aquí tedes a ficha para podervos inscribir como participantes.

Furafollas ameniza o Guateque Anos 60 do Boca Nord

No seguinte vídeo podedes ver algunhas imaxes da participación dos Furafollas no Guateque dos anos 60 que se celebrou o venres 12 de xuño no Espai Jove Boca Nord. Inclúense tamén momentos da nosa preparación.

Guateque Anos 60

Es adicto ás películas de Marisol?
Cando escoitas “Eva María se fué…” non podes evitar bailar?
Es unha chica ye-ye? (ou chico ye-ye?)
Consideras que los chicos con las chicas tienen que estar?
A túa máxima aspiración é ser o dono dunha vasoira?
Emociónaste sempre ao final do verán?
Pérdeste buscando no baúl dos recordos?

Se a túa resposta é afirmativa, non podes perder o guateque do próximo venres 12 de xuño no Espai Jove Boca Nord. Só hai dúas esixencias: vestirse coma nos anos 60 e ter moita gana de pasalo ben!

Performance poético-erótica

O próximo domingo aflorará o lado feminino dos Furafollas.
escoita, ole, mira, toca e saborea

Propoñémosche un menú sensual que deleitará todos os teus sentidos. Tres grandes Furafollas (Eva, Alba e Ana) interpretarán textos poéticos de Eva doRoxo con agradables sorpresas que farán que non queiras escapar do lado erótico da vida. En directo, a pintora Ilaria Sgrigna fará brotar dun lienzo en branco a imaxe plástica do espectáculo.
Dentro do ciclo d’O Catalizador de Anxo Baranga e da Semana da poesía de Barcelona.
24 de maio de 2009 ás 19h
En La Xina A.R.T (c/doctor Dou 4, Barcelona)
e tamén o 26 de maio ás 20:30h

Noticia en Vieiros

Ver vídeos das actuacións:

a) Primeria parte
b) Segunda parte